طريقة تنصيب السكود بالصور حصريا فقط على بقيره نت

ب ال squid
[color=red]( الجزء الاول )بهذي الطريقه راح افرض انهه انته منصب Ubuntu Linux 8.04 بدون مشاكل وشغال بشكل كامل. اذا مكان عندك فممكن تنزله من www.ubuntu.com
كذالك راح افرض انهه عندك الاشياء التاليه :

PC with Intel compatible processor – i386
RAM : 1GB~2GB
HDD : 120GB
Ethernet interface

طبعا الاشياء الي ذكرتهه هيه ممكن تلكاهه باي كومبيوتر تشتري حتى لو كان من ايام ال 486
راح ابدي بالشرح على اعتبار انهه انته باللينكس داخل باستخدام ال gnome desktop الي هوه يجي ويه الاوبونتو الاعتيادي ,ماكو فرق بس الشكل مالت الصوره راح يفرق بالشرح اذا كنت تستخدم غير شي.
كذالك راح افرض انهه البوكس الي تتنصب علي متصل بالانترنت.

الان بعد مشغلت البوكس ودخلت باليوزر مالتك على اللينكس راح نفتح ال terminal
Application->Accessories->Terminal



الان بعد ما فتحت التيرمنال , راح ندخل بيهه على ال root يوزر الي هوه مثل ال Administrator او شويه اقوه. الدخول للروت يكون بكتابت :
sudo -i
بعدهه راح يطلب من الباسوورد , اكتب الباسوورد و اركعه enter
هسه انته root وتكدر تنصب وتمسح برامج بكد متريد




الان راح اننصب السكود بخطوه وحده , بس اكتب :
apt-get install squid
رايح يوضحلك انهه مطلوب تنزيل كذا ميكا من النت وكومة كتابه...انته بس دوسله Y و enter
حسب سرعة النت عندك , راح يتنصب السكود مو باكثر من 2 دقيقه او 3 , بس هيه تبقه حسب سرعة خطك.


الان السكود تنصب , بس بعضكم راح يطلع عنده fail عند الخطوه الاخيره بالتنصيب وهذي مشكله بتشغيل السكود عادتا تصير بعد التنصيب , بكل الاحاول اذا واجهة هذي المشكله فالخطوه التاليه راح تحلهه.

الان راح نغيير شويه بال settings بس على قدر انهه نخلي السكود يشتغل كبروكسي عادي

بنفس التيرمنال اكتب :
gedit /etc/squid/squid.conf

راح يفتحلك شي مثل الnotepad سووي بي بحث على visible_hostname
هسه راح يطلعلك فدشي مثل ما بالصوره , ضيف هذا السطر بالمكان الي بالصوره :
visible_hostname localhost



السكود حاليا صار جاهز للتشغيل , وهوه راح يشغل بروكسي على بورت 3128 , بس اذا تحب تغيره مثلا الى 8888 , ممكن تدور بنفس الفايل على : http_port وتغيره.


الان السكود ممكن يشتغل بس مراح يقبل ينطي خدمه لاي احد بالنيتوورك بس للبوكس الي منصب علي السكود وهذا ميفيد , لهذا راح نغير شي اخير حتى السكود ينطي خدمه لكل الشبكات الي ممكن توصله.
حتى نسوي هذا , دور على http_access deny all
وغيرهه الى : http_access allow all
طبعا من هذا المكان ممكن تحدد الشبكات الي ممكن تاخذ خدمه من السكود ,بس للسهوله اني خليته ينطي انترنت لكل الايبيات.



الان كملت كلشي حتى يكون السكود جاهز للعمل , سوي save واطلع من ال gedit.
هسه رجعت للتيرمنال , بقى بس تشغيل السكود , حتى تشغله اكتب :
cd /etc/init.d
sh squid restart



الان السكود المفروض اشتغل بشكل كامل
حتى تستعمله من غير حاسبه , روح على البراوسر وخلي على بروكسي , انطي الايبي مالت اللينكس مالتك بالبروكسي وخلي البورت الي كان بال http_port الي هوه عادتا 3128 اذا مغيرته...


طبعا هذا التنصيب هوه فدشي كلش بدائي بس على قدر يخلي السكود يشتغل كبروكسي عادي ويسوي caching شويه , بس حتى نخلي يسووي كاش وبسرعه عاليه كلش لازم نغير اشياء اكثر بال squid.conf وهذا ممكن ارجعله مره ثانيه اني قريبا او ممكن احد ثاني غيري يكمل
انتضر ردودكم بخصوص التنصيب , هذي الخطوات سويتهه بنفسي واشتغل عندي السكود بشكل كامل.
حتى تشوف السكود شديسوي , ممكن تشوف 3 فايلات تنطيك تفاصيل بالكامل عن كلشي دينفتح ودينسد ومن اي IP , هذي الفايلات ممكن تشوفهه ب :
/var/log/squid